اتبع النقاط التاليه وانظم إلى عالم المثقفين

1- احلق اللحية و الشنب .

2- إذا سألك أحد من تسمع له قل لفيروز وشاديه حتى لو انك ماتسمع إلا عدوية وسعد الصغير .

3- إذا قالوا لك من شاعرك المفضل قل محمود درويش و ادونيس حتى لو انك ما تقرأ إلا لضيدان بن قضعان وسعد بن جدلان .

4- ابتعد عن المباشرة في الكلام واعمد إلى " التفعيط " و " التمطيط " وبدل ما تقول "في البداية " قل : " بادئ ذي بدء " وبدل ما تقول "وهذا يدل على " قل : " وهذا إن دل فإنما يدل على " ... لا تقول صعبة ومشوار ومعرف اية لازم تصبر وتتحمل ...ترى الثقافة مش سهلة !!!!..

5- إذا كتبت مقالاً فلازم تطعمه ببعض الكلمات الرنانة واللي مالك غنى عنها مثل : "الراديكالية والإمبريالية والليبرالية والديماغوجية والميكافيلية " ولاهوب لازم تحطها وأنت تكتب المقال لا... إذا قضى الأمر أبد لزهن فيه كلمة منا وكلمة مناك الين يقضن "" إن ما كتبت منهن شي تراك من جنبها في الثقافة لو تحفظ سبعميه ألف كتاب وتقرأ ثمانميه ألف موسوعة ""؛ وانتبه تقول : "الرأسمالية و الأشتراكيه والقومية " هذة الكلمات خربت بيت مثقفين .. أما الان ما عاد يوكلوا عيش.

6- كثر من الكلمات اللي تنتهي بـ"قراطيه" مثل : " الديموقراطيه . البيروقراطيه . الأرستقراطيه . الأوتو قراطيه . التيوقراطيه ". وإذا انزنقت "فخربط" لك أي كلمه واختمها بـ " قراطيه " مثل " الخنبقراطيه.والخربوقراطيه"؛ ولا تخاف ما في احد يسألك ويقول ما معنى ذا الكلمة عشان ماينكشف " جهله " ويدرون الناس انه مهوب مثقف.

7- خربط لك أي كلام بس بشرط انه يكون " مبهم " وغير مفهوم وأهم شي اكتب فوقه " شعر فلان بن فلان " عشان يعرفون " القراء " انه شعر حداثي .. لايحسبونه مقال والا روايه .

8- انتبه انك تؤرخ بالهجري حتى لو كان هو تاريخ المسلمين المثقفين مايؤرخون إلا بالميلادي ويفضل بعد انك إذا كتبت قصيده حداثيه تكتب الشهر كتابه مهوب رقم زي كذا " حزيران 2007 " أما ذا الشهر حق مثقفين بقوه وينصح بعد انك تحط تحت التاريخ أي عاصمة أوربيه " لندن , جنيف , باريس " حتى لو انك كاتب القصيدة في حريملاء وإلا شقراء.

9- إذا جاء معك مقابله في التلفزيون " خش" في الشعر الشعبي وشرشحه حتى لو انك تحبه وقل انه شعر البسطاء والعامة و الدهماء وانه معول من معاول هدم اللغة ولابد من إعلان الحرب عليه دون هوادة !!!

10- إذا سألك احد ما الجرايد اللي تقراها انتبه تقول له الاخبار والا الاهرام !!, لا..

وقل الحياة والشرق الأوسط والاقتصادية حتى لو انك مابعد شفتهن على الطبيعة ..بس لزوم الثقافة.

11- إذا قال لك احد اية الأجواء اللي تجد فيها نفسك , لاتفضحنا وتقول إذا جلست مع أهلي والا إذا طلعت للنيل والا إذا صرت اضبب !! لاياحبيبي , قل له أنا تأسرني الليالي البيروتيه المقمرة وخصوصا في فصل الخريف حتى لو انك ما تفرق بين الخريف و" المربعانيه ".

12- حاول دايم انك تفلسف وتلف وتدور في كل شي وفي كل اجابه حتى لو ان الجواب حرفين خله عشره سطور وكثر من الكلمات اللي ماتفهمها عشان مايفهمونها الناس ويتأكدون بما لا يدع مجالا للشك انك من كبار المثقفين.

13- لا تجيب طاري الخميس والجمعة ، بل حاول تقول الويكند ، ولا تقول الشهر الماضي بل قل لاست مونث ، عشان يقولون واااااو لغته رااااقية .

14- إياك وعلي الطنطاوي أو غيره من الأدباء أو الكتاب اللي مثله ، بل استبدله بأدونيس ، أو أينشتاين ، وشرواهم " شرواك الطيب"