الاثنين، 28 يناير، 2013

أنا الرخيص أوي عندكم وغالي عند اللي خالقني

ف يوم ما أفارق أرضكم موضوع لايمكن يضايقني
أنا اللي جيبتولي الأمراض أنا اللي بيا منكم فاض
أنا اللي قولت يا باشا كتير وأكتر كمان اتقاللي
أنا ياض
أنا المهدد أنا المجند أنا اللي دايما بعيا وبرقد
أنا المراكبي والصياد
أنا المواطن يا رؤساء أنا اللي متكحرت في بولاق وأنا اللي بتلملم أشلاء
مركب وقطر وعبارة الموت لأمثالي إعارة
والموت بقي ليكوا تجارة الموت في أشكالكوا خسارة
عيشوا حياتكم أخرها هنا ما هتسلكوش مع ربنا عنده هيتجاب حقنا
ولسة اللي عايشين بعدنا
شوكة في زوركم في نحوركم هيردوا كل اللي خانقني
عرفتوا ليه أنا مطمن وحتى موتي ولا قالقني
وهقولها لابني افتخر أبوك كان مجند أمن مركزي.

هناك تعليقان (2):

  1. السلام عليكم
    هم قعلا أكتر ناس بتتبهدل في كل حاجة
    ربنا يرحم من توفى منهم يا رب
    كلمات جميلة جدا ، بسيطة و معبرة .

    ردحذف
  2. مساء الخير ريهام

    اللهم امين

    ويرحم بلدنا العزيز

    تحياتي واحترامي

    ردحذف

السلام عليكم ضع تعليقك وأترك بصمتك علي الموضوع مع خالص أحترامي وتقديري