الاثنين، 27 أغسطس 2012

تعـآل بإحساسـك



تعال بإحساسك تراني بغيتك
وخذني أنا كلي على كيف ماجاك


وقف معا فكرك وفكر فديتك
لاحظ قدرنا نجتمع أنا وياك

هويت روحك بالغرام وهويتك
مافيه روح ٍ بالمخاليق تسواك

إن كان ودك في عذابي عطيتك
يفداك عمري قبله العين تفداك


وأقطع حشاي وعّلقه وسط بيتك
كل شي يهون وخاطري حيل يهواك

عذب على كيفك تراني شريتك
روحي وعمري فدوت ٍ لك ولخطاك

بديت في حبك تقول أنتهيتك
كيف أنتهي وأنا أتشفق لملقاك


ياليتني كل مابغيتك لقيتك
وياليتني أقدر أناظر مُحياك

بهديك روحي والعمر مانسيتك
أنسى فؤادي ياحياتي ولا أنساك


ألامس أحلام الوفا لا طريتك
وأسهر ألملم خافقي وأتّحراك

نام الحكي بأطراف جفني وجيتك
عجزت أعبر عن شعوري بليّاك


من البحر نسمه مشاعر هديتك
وشلون مايهديك قلب ٍ تمناك

ليتك تحس الشوق فيني ياليتك
ليتك تلامس مبسمي يالغلا إن جاك


هذي الحقيقه قلتها لك فديتك
غير العمر وشهو بقى بس يفداك


ليست هناك تعليقات:

إرسال تعليق

السلام عليكم ضع تعليقك وأترك بصمتك علي الموضوع مع خالص أحترامي وتقديري