يلا نفكر في علاقتنا

• يلا نفكر في علاقتنا
  عايز اسال سؤال؟
  
  · هل الظروف المعيشية بتقتل الحب؟ وهل والعند وذهاب الاحترام في طيات التعود علي الاخر بيقتل الحب ؟موش عارف
  · بس سعات والله بلاقي ناس وكبيرة موش لسه متجوزين بلاقي الحب ف سلوكلهم وادام الناس عادي
  هل الناس دي اتربيت في بيوت طلعت شخصياتهم كده ولا ايه؟يبقي انا بقي كده حكمت علي شخصياتنا بالفشل لان معظم بيوتنا متبهدله مشاكل. بس بقلكوا ايه ماتيجي نسالهم عملتوا ايه عشان تحبه بعض او عشان الحب يستمر ولا ده اصلا سلوكياتهم الطبيعيه اللي اتربوا عليها وموش حب ولا حاجه وده الطبيعي بتاعهم ف سلوكهم؟ ولا مثلا عودوا بعض علي الطريقه دي ف التعامل مع بعضهم؟ ولا مثلا ادام الناس كانت دي الطريقه المتعارف عليها اللي اتفقوا يتعاملو بيها ادام الناس؟ موش عارف بس انا من وجهة نظري ده اصلا سلوكهم لان بعد الجواز والتعود والكلام ده بيروح الاحترام وبجد والله انا شوفت ده بعيني والمشكله انه كان ظاهر ادامي اصلا كمان ف مواقف ناس مرتبطين من قبل مايتجوزوا وشوفت ده مع اتنين من اصحابي ان موضوع الاحترام.. وانها تخبي مواضيعهم الخاصه موش موجوده بينهم عارفين؟ ياتري دي بس مظاهر والحب موجود اصلا ولا ايه ؟ بس ع العموم عموما البنت عموما بتقدم تضحيات وتنازلات لكن ماشوفتش من العالم الاخر لان الولد بيدخل يقولك........ البيت يكون مترتب و ادخل الاقي منظر عدل موش خلقه كشره ومبهدله كده
  · موش واخد ف الاعتبار بقي انها جايه من الشغل وبترتب البيت ولا بتغسل المواعين وعايزة تلحق تعمل الاكل عشانك اصلا وده اصلا بيتكلم وانت موش شايف نفسك عامل اذاي مانت بردك شكلك مبهدل هاتقولي شغل هاقولك ماهي برده شغل وبيت واكل وترتيب واوولاد وعلاقات مع اهلك عشان ترضيك وهدايا حرام بجد انا عايزة ولد من عالم الولاد يقولي ايه التنازلات اللي بيقدمها نفسي اعذرهم بجد موش عارفه سيبك بقي من موضوع الشكل ف البيت والمظهر للمراه او الرجل
  · الام او البنت بتبقي منتظرة من الولد مساعده يابني ساعدها اتحرك وتلاقيه بيقولك هاشتغل وكمان هاعمل الاكل يابني من الاخر هي لو فضلت تعمل المجهود ده لوحده ابقي تعالي قبلني لو لاقيتها طايقه تبصلك او تحبك او تحترمك بعد 10 سنين مثلا بعد ماشغل البيت استهلكها وخلاها تبص لنفسها ف المرايا وتقول مثلا دي نهي اللي كانت شعلة حماس دي بقيت بالمنظر ده وطبعا هاتضع السبب الاساسي ف مين ف الزوج بسال ليه الزوج مايبقاش مشارك يقف جمبها يغسل المواعين ينشف الاطباق يرتب سريرهم ياعم حتي لو مابتعرفش هي هاتبقي مبسوطة ماتهربش بكلمة مابعرفش ماتسبهاش وتروح تتفرج ع التليفزيون ولا تعد ع النت وهي شغاله جوا ليه؟ ولا عقبال ماتخلص الغدا والا ولا ...... ليه اللحظات دي تفوتكوا روح اقف جمبها ف المطبخ اتكلموا هزروا ماتعملش حاجه موش مشكله بس خليك جمبها وسع نطاق الذكريات اللي هاتفتكرك بيها وانت غايب او موش معاها لما بتفتكر المواقف دي بجد بتحس انك وحشتها حقيقي موش تفتكر انها لما كانت بتغسل ولا ولا..... كنت انت ف البيت وموش معاها وكنت بتتفرج ولا ولا ...... وطبعا في ظل البيت المشارك بتطلع شخصية الاولاد ممتازة بيطلعوا مشاركين وبعد حوالي 8 سنين للاولاد هاتلاقيهم بيعملوا حاجات البيت وبيعرفه يطبخوا وكل حاجه لان الولد شاف بابا وهو بيغسل وهو بيعمل كل حاجه والبنت شافت ماما وهي بتعمل كل حاجه دانتوا حتي لو سيبتوهم وسافرتو تتفسحوا هايعرفوا يعتمدوا علي نفسيهم موش تقولوا بقي هانسيب العيال لمين ولما مثلا لو سيبتوهم عند حد بيكونوا تقال جدا وعاملين عبئ وتقولوا بقي خلينا احنا عمرنا هانشوف راحه خلاص خليها بققي لما يكبروا بقي ويعتمدوا علي نفسيهم هتلاقوا العمر سرقكم دانتوا كمان ماتفسحتوش كفايا وفجاة بقيت الاب الشقيان عليكم طول عمره وانتوو مفيش تقدير ولا احساس والام ايه اللي طول عمرها تحت رجليهم من اكل للبس لي لي لي وفجاة يحسوا انهم هما الاتنين مفيش حياتهم دي مفيش
  يلا بجد يا جماعه حسوا ببعض اكتر