سقت رجلي زاير اوطانك
ياحبيب عندنا غالي
جيتي والله على شانك
ياعشير مشغل بالي
ضمني يازين بأحضانك
وأحتويني يابعد حالي
كم أنا محتاج تحنانك
بعد غيبة وقتها طالي
ارحم اللي مابعد خانك
يرحمك معبودنا الوالي
ولا تعذبني بـــــهجرانك
بعدكم هـــــم وغربالي
لا تطالبني بنسيـــــانك
وأنت لك فالقلب منزالي
والحــلا والثقل عنـــوانك
وبالوصف تضربك أمثـالي
وكل شئ بالحـــلا زانك
مثل بدر فالسماء عالـي
فتنـة في نظـرة أعيانــك
ورمش عينك سهم قتالي
والورود الحمــــر بأوجــانك
ومبسمك فيها العسل حالي
ولمعة البراق بأسنانك
أفتنتني فيـك طـــوالي
ياحلو المنطوق بلسانك
وتوزن الكلمة بمعدالـي
والجديل اللي كسى أمتانك
أســود ناعــــم ويحلالــــــي
وأه يــــا توتك ورمانك
شئ مايذكر وينقالي
وهاضني لبسك و فستانك
يـوم شفتك تمشي قبالي
تنثنــــي وتهز بأردانك
في تغطراف و ميالي
كنك لحالك في بستانك
واثــق الخطـوات تختالي
عودك الريان و أغصانك
يـاحبيبي في وأظلالي
البنـــات البيـــض بوزانـــــك
صفر ياخلي على اشمالي
وراجـــح بالــــود ميزانـــــك
من قديم الوقت ومن تالي
من غلاك أغليت أنا أخوانك
والأبـــو والأم والخالــــــــي
فوق هذا حب عمانك
باقـي فالقلب مازالي
ذا الغلا والله على شانك
وطالبــك يامشغل بالـــي
ضمني يازين بأحضانك
واحتويني يابعد حالــيِ
ليست هناك تعليقات:
إرسال تعليق
السلام عليكم ضع تعليقك وأترك بصمتك علي الموضوع مع خالص أحترامي وتقديري