- بسم الله , السلام عليكم ورحمة الله وبركاته
- ياجماعه قبل كم يوم قريت شي خلاني اعيد التفكير مراراً وتكراراً في عدة مسائل .. قريت معلومات الكل كان متيقن انها صحيحه .. وهي والله مادلت الصح .. بعد ماقريتها .. جلست افكر .. غير المعلومات هذة .. كم معلومه مغلوطه يتداولها الناس على انها معلومات صحيحه ؟ كثير .. كثير .. جزمت .. اني احط حد للخربطة هذة.. بس قبل كل شي .. خلونا نستعرض على السريع بعض من هذة المعلومات المغلوطه .
( سم العقرب .. طريق القبر .. ) - يعتقد الكثيرين ان سم العقرب مايردهـ عن طريق القبر شي .. يعني ان سم العقرب " مميت " ..
وهذا اعتقاد خاطئ .. حيث ان اقوى سم العقارب مايقتل ! ولكن قد يتسبب بموت ( الطفل الرضيع , كبير السن , مريض القلب ) إذا لم يتم علاجه .. فإذا لدغتكـ عقرب لاسمح الله .. اعرف انكـ مش هاتموت بحول الله .. روّق .. وهدى اعصابكـ .. واذهبالي اقرب مركز صحي او مستشفى .. - وعلى فكرهـ .. العقرب كائن غبي , اي شي قدامه يحاول يلدغه .. يعني لو يصدم بـ جدار .. حاول انه يلدغ الجدار .. جد والله .. شي غبي ..
( مشينا نهظّم ؟ ) .. - امر شائع عن اغلب الناس .. بعد مايضرب لكـ وجبه دسمه .. يآخذ له واحد من صحابة .. ويتمشون في المكان اللي هم فيه .. ويعدون الكيلوات .. طيب لية ؟ يقولكـ ( والله عايزين نهظّم الأكل اللي ليسة أكلنا ) .. غلط ! الحركه هذي بتقلل تدفق الدم للجهاز الهظمي .. وبالتالي تقل عملية او سرعة الهظم عن الوضع الطبيعي .. فينصح بعد أكل وجبه دسمه .. انك تمدد رجيلاتك وتروق .. وتخلي الباقي على الجهاز الهظمي .. هو يعرف شغله .. حتى ان العلماء يقولون ان ( الأسد ) بعد مايقرش احد الفرائس يتكّي تحت شجرهـ ويمدد .. ما شافوهـ يتمشى المكان ومن كيلو لـ كيلو .. علشان يهضم
( لا تآكل حلو وآجد , يجيكـ السكّر )- فيه اعتقاد خاطئ .. بأن أكل السكريات هو اللي يجيب مرض السكر ..! يعني لو أكلت سكر كثير تراكـ بتمرض بـ مرض السكر .. وهو السبب الرئيسي .. برضو غلط ..
- مرض السكر سببه هو تلف في خلايا ( بيتا في البنكرياس ) .. او عدم فعالية الأنسولين المفرز داخل جسم الإنسان .. ولحدوث هالشي اسباب متعددهـ .. ولكن تتخيل ان اكل السكريات ماينطوي تحت هالأسباب !
( إلهم بس إلهم , اذا مانفعكـ ماضركـ ! ) - وأية اللي اذا مانفعني ماضرني .. لية يعني وأية السر في ( الاعشاب الطبيّه ) .. الواحد يآكلها اذا تعب .. اما انها تنفعه او مستحيل تضرهـ ..! المشكله ان هذا الشي متداول حتى في ( الصيدليات ) .. الصيدلي المفروض عارف ودارس .. ياجماعه .. بعض الأعشاب (( ســـــام )) .. !
- وبعضها يسبب حساسيّه لناس معينه .. الاعشاب " تحوي على مواد كيميائيه " .. مثلها مثل بقيّة الأدويه , بس انها طبيعيه .. وماتم تحضيرها في المصنع !
( قلبكـ .. في الشق الأيسر ) ..- من قال انه في الجهه اليسرى تماماً للإنسان ؟
- القلب موجود ( بين الرئتين ) بالضبط .. لكنه يميل بشي بسيط للجههة اليسرى ..
- في (جونا الحالي) .. وضروسكـ تتصافق من قوة البرد .. راكب سيارتكـ ومشغل المكيف على الحار .. توريد الدفاء .. بعد ماتحس ان جسمكـ نشب في المرتبه من الحرارهـ .. وتفق كشركـ مستانس .. لأن وجهكـ بدأ يرجع طبيعي ويتحركـ .. يركب معكـ واحد .. توصله لـ مشوار .. اول مايركب يزأر بوجهكـ .. ياخي طف المكيف ! انا ابنزل بعد شوية لمكان بارد .. تريد تمرضني ..
- من اللي قالكـ ؟ نظرياً .. كلامه غير صحيح ..!
- بس انه خايف على نفسه زيادهـ (بعذرهـ من البرد اللي يشق الوجه ) .. يعني اذا كان الأمر (متتابع) ممكن .. كلامه صحيح .. لكن اذا انت راعي طويله .. وبتجلس في الجو هذا وقت .. وفي الجو الثاني وقت .. لا , نظريتكـ غلط ! - في الصيف تلقاكـ مشغل المكيف على البارد في اقصى سرعته .. تسمع صوت المكيف اقوى من صوت المكينه .. وتنزل للهواء الحار ..! طيب تعال انت ياللي ركبت قبل شوية .. لية هنا ما طفيتش المكيف ؟ مش برضو فيه إنتقال من درجة حرارهـ لـ درجة اخرى ؟ طيب لية ماجاكـ شي ؟ علمياً .. ونظرياً .. هذا مجرد خوف لا أكثر .. وافتراضات مالها صحه .. لكن .. هم ينصحون ( بتدفئة الجو العام ) , يعني المكان يكون دافئ ( السيارهـ , او الغرفه ) افضل من انه يكون بارد او متعدل على حرارة الجو الطبيعيه .. الدفاء مامنه ضرر ابد .. لكن البرودهـ تأثر على الشعب الهوائيه والجهاز التنفسي ككل .. وتسبب الحمى .. فيقولون .. لازم تدفئ المكان المحيط بكـ .. او إنكـ تلبس تقيل وخاصه الصغار .. علشان يكون محيط جسمكـ .. دافئ لـ درجة حرارهـ ثابته .. - فالإنتقال من دفاء لـ برودهـ .. او العكس .. مامنه ضرر ..
( أغسل يديكـ بالصابون , عقّمها من الجراثيم ) .. هذا الكلام موش مظبوط.. الصابون ( يُنظف ) فقط ولا يُعقم الجراثيم (مايقتلها) .. فـ محتاجين لـ معقمات للجراثيم .. نستعملها على الأقل ثلاث مرات في اليوم .. عموماً فيه الان انواع معينه من الصابون ( تنظف و تُعقم ) .. مثل ( ديتول , لايف بوي ) .. وخصوصاً في الاستحمام .. فيه صابون استحمام ديتول .. ممتاز ..
- لاعبين علينا ؟ المشكله حتى في المدارس يكررون الكلام دة كتير..! الأسد ملكـ الغابه .. ملكـ الغابه ..
- والله اني ضحكت
- لانى تمزعت من القهر ..
- طول الوقت لاعبين علينا !
- الصدمه : الأسد ماعمرهـ وطئ عند طريف الغابه
- ماعمرهـ دخل شي اسمه غابه !!
- الأسد يعيش في ( مناطق الحشائش , السهول ) .. مايسكن ابداً في الغابات الأستوائيه ..
- الله لايوفق من كتب قصة الأسد هذاكـ المريض .. يوم يعالجه الثعلب وييقي صديقه ولا يآكله .. طيب تعرفوا الصدمه الثانيه ! ان الاسد مايآكل الثعالب ! نهائي ههههههههههههههههههه
- بيضحكوا علينا قسم بالله ..
- نصابه , والله انتى نصابه وملعوب عليكي .. حتى كلنا ملعوب علينا في هالمناهج ..!
- الصدمه الأخرى : القط لا يأكل الفئران !
- القط يلاحق الفار من باب التسليه واللعب بس ..
- - سُجلت حالات أكل من قبل القطط للفئران .. لقوا القط اللي أكل الفار ميت من الجوع وبطنه جايبة ظهرهـ .. نفس الوضع .. الآدمي اذا اضطر وذبحه الجوع .. يآكل الجيفه .. ؟
- برضوا خرابيط .. الحشرات مثلها مثل غيرها في مملكة الحيوان ..
- لها دم .. لكنه يختلف لونه ولزوجته عن باقي الحيوانات ..
- الصدمه الـ 78 : الثور , مثله مثل باقي الحيوانات .. يشوف اللون الأحمر رمادي .. انتحر ؟
- حتى الأسبانيين .. مسوين فيها يعني اننا نعرف للثيران .. !
- يمسكـ له طربال أحمر .. ويمرمرهـ على خشة الثور .. عامل انة بيثير غريزته الحمراويه .. نصابين بعينكم .. والأنصب منكم اللي كتب قصة الاسد في مناهجنا , لأن عندي احساس انه هو اللي كتب قصة الثور اللي مايهموش اللون الأحمر ..
- فيه نوعين من البطاريات الشائعه .. بطاريه نيكل : هذي لازم تشحنها أول مرهـ 8 ساعات .. وماتشحنها مرهـ ثانيه لهد ماتخلص البطاريه وتبقي فارغه مرهـ .. وبعدين وجودتها تتأثر اذا طولت مشبوكه في شاحن الكهرباء .. - بطاريه ليثيوم : هذا النوع من البطاريات .. له عمر افتراضي .. من سنتين إلى ثلاث سنين .. وهالنوع هذا .. خربان خربان بعد عمرها الافتراضي حتى لو ما استخدمتها ابد ! اشحنها على كيفكـ .. اشبكها وانت تشتغل ..النوع هذا ريحنا من سلبيات بطاريات الـ نيكل .. بس ان عمرهـ قصير .. طيب .. تعرفوا ان اغلب البطاريات اللي نستخدمها في ( اللاب توب , الجوال , الكفّي , ... ) وغيرها .. تستخدم النوع الثاني من البطاريات .. ( بطاريات ليثوم ) .. ؟!!
( رب المنزل المتكي في الصاله بعد وجبة العشاء يخاطب زوجته الحامل العزيزهـ : ابعدي ياست عن الريموووووت ! عايزة الولد يطلع مشوّهـ ! ) ( أب آخر مستلقي على السرير يداعب طفله الصغير الذي اخذ الريموت ووضعه في فمه عايز يأكله : لا يابابا كخا , بعدين تموت ! ) غير هالرجلين العزيزين .. كلنا نعتقد ان الريموت يسبب ضرر للمرأهـ الحامل .. وللأطفال .. - ريموت التلفزيون وريموت أغلب الاجهزهـ .. تعمل ( بالاشعه تحت الحمراء ) وهي آمنه جداً .. وتقع في طرف الطيف المرئي بجانب اللون الأحمر .. * اي جسم حار تنبعث منه الأشعه تحت الحمراء في مرحله من مراحل التسخين .. * أجسام الكائنات الحيّه اللي دمها حار .. تنبعث منها الاشعه تحت الحمراء بإستمرار .. * كاميرات الفيديو تنبعث منها الأشعه تحت الحمراء وخاصة في التصوير الليلي .. .. * بعض الثعابين , تستخدم نفس التقنيّه .. معليش يالريموت .. حقكـ علي ..
( فأرة ليزر ) .. الكل يعتقد ان الـ فأرة الكمبيوتر .. تعمل بأشعة الليزر .. والله ماوراها ليزر ولا هم يحزنون .. تراها تعمل ( بالضوء العادي ) .. يعني مثل لمبة التريكـ .. طيب لية الي اخترعها سماها ( ليزر ) .. ! لانه كان يشتغل سواق عند راعين القصص أخوان (الأسد ملكـ الغابه , الثور يكرهـ اللون الأحمر ) , قبل لايرجع لـ ديرته ويخترعها .. نصاب مثلهم ..قصص كثير ؟ معرفش احس اني اخذت راحتي بالحيل .. بس اختم بشي صراحه مهم .. إن العلم , والثقافه .. ماتطرق الابواب .. من الواجب على كل شخص .. تهمه الثقافه العامه او حتى الثقافه في أي مجال يهواهـ .. البحث عنها دون ملل أول كلل .. يرضيكم اللي سواهـ فينا ابو القصص ؟ واللي كتب المناهج ؟ خلونا نحط حد لمثل هالإعتقادات الخاطئه .. عن طريق البحث والتأكد عن أي معلومه توصلنا .. حتى ولو طغى عليها الدهر .. وهذاالشي يكون تركيزهـ اكبر للمعلومات اللي توصل الصغار ( ابنكـ ’ اخوكـ ’ اختكـ , والمحيط اللي انت عايش فيه ويقع تحت مسئوليتكـ ) .. لأن فيه في هالزمن كثير من شاكلة ابو قصه وأخوهـ .. لا , بس باقي شي مهم .. من باب .. الشي بالشي .. يُذكر ..
( الهديه , لا تُهدى ولا تُباع ) .. الطامه الكبرى , كلام شائع بين الناس بشكل كبير بأن هناكـ حديث للرسول بأن الهديّه لا تُهدى ولا تُباع ! مافيه اي صحه للحديث هذا .. بل انه من خلال بحثي .. وجدت حديث مخالف للحديث هذا .. جاء فيما معنى الحديث .. ان الرسول صلى الله عليه وآله وسلم اهداهـ شخص هديه وكانت عبارهـ عن بُردهـ , فكانت البُردهـ المهداهـ صغيرهـ على الرسول , فقام بإهدائها إلى الإمام علي بن أبي طالب عليه السلام .. الهديه هي ملكـ للشخص المُهدى , يعمل فيها اللي يريدة .. يهديها يبيعها .. لكـ كامل التصرف فيها مثلها مثل باقي أملاكه .. - احاديث كثيرهـ " موضوعه " , شائعه عند الناس .. تحتاج وقفه وتدبر منا , هذا ديننا .. ومن الواجب علينا حفظه كما جاء .. فيه موقع اسمه ( الدرر السنيّه ) , للي يشكل عليه حديث .. وله رغبه في التأكد منه .. يدخل هالموقع ويتأكد من صحة الحديث .. بمجرد البحث عن كلمه فيه .. اتمنى اني ما اكون طولت بس .. آخذ راحتي بعد ؟ .. سبحان الله وبحمدهـ .. سبحان الله العظيم .. استغفر الله واتوب إليه .. ولا إله إلا الله ..
ليست هناك تعليقات:
إرسال تعليق
السلام عليكم ضع تعليقك وأترك بصمتك علي الموضوع مع خالص أحترامي وتقديري